ශ්‍රී ලාංකීය වෛද්‍ය සිසුන්ගේ හඩ | Voice of the Sri lankans' medical students

Sunday, December 2, 2012

PMC විරෝධී වෛද්‍ය වරුන් දෙදෙනා වැඩි චන්දයෙන් වෛද්‍ය සභාවට

ශ්‍රී ලංකා වෛද්‍ය සභාවට සාමාජිකයන් දෙදෙනකු පත් කරලීම සඳහා පැවැති නිලවරණයේදී ඒ සඳහා ස්‌වාධීනව තරග වැදුණු වෛද්‍යවරුන් දෙදෙනෙකු රජයේ වෛද්‍ය නිලධාරීන්ගේ සංගමය විසින් නම් කර තිබූ වෛද්‍යවරුන් දෙදෙනා පරාජය කරමින් වැඩි ඡන්ද සංඛ්‍යාවකින් ජයග්‍රහණය කර තිබේ.

මෙසේ වැඩි ඡන්දයෙන් වෛද්‍ය සභාවේ සාමාජිකයන් වශයෙන් පත්ව ඇත්තේ මාළඹේ පෞද්ගලික වෛද්‍ය විද්‍යාලයට එරෙහිව කටයුතු කරන වෛද්‍ය නිලධාරීන් දෙපළක්‌ වන කොළඹ ජාතික රෝහලේ වෛද්‍ය නිලධාරි උපුල් ගුණසේකර හා එම රෝහලේම ජ්‍යෙෂ්ඨ වෛද්‍ය නිලධාරි සිවරාජාසිංහම් සිවප්‍රියන් යන මහත්වරුන්ය.

මෙම නිලවරණය සඳහා වන ඡන්ද විමසීම ඉකුත් නොවැම්බර් 15 දා සිට 21 දා දක්‌වා පැවැති අතර රජයේ වෛද්‍යවරුන් දහසයදහසක්‌ දෙනා මේ සඳහා ඡන්දය භාවිත කිරීමට සුදුසුකම් ලබා සිටියහ.

මෙහිදී වෛද්‍ය උපුල් ගුණසේකර හා වෛද්‍ය සිවප්‍රියන් යන මහත්වරුන්ට පිළිවෙළින් ඡන්ද 1500 ක්‌ හා 1450 ක්‌ බැගින් ලැබුණු අතර ඔවුන් හා තරග වැදි වෛද්‍ය නිලධාරීන්ගේ සංගමය විසින් නම් කරන ලද රත්නපුර රෝහලේ වෛද්‍ය සමන් අබේවර්ධන හා ජාතික රෝහලේ වෛද්‍ය සමන් අබේවර්ධන යන දෙදෙනාම පිළිවෙළින් ඡන්ද 820 ක්‌ හා 860 ක්‌ ලබා ගෙන තිබිණි.

Friday, August 17, 2012

පෞද්ගලික වෛද්‍ය විද්‍යාලවලට එරෙහිව පෙනීසිටි වෛද්‍යවරයකුගේ නිවසට බෝම්බ ප්‍රහාරයක්

කොළඹ ජාතික රෝහලේ විශේෂඥ ශල්‍ය වෛද්‍ය ලලන්ත රණසිංහ මහතාගේ දෙහිවල පිහිටි නිවසට අද (16) පෙරවරු කාලයේ අත් බෝම්බ ප්‍රහාරයක් එල්ලවී ඇත. වෛද්‍ය ලලන්ත රණසිංහ මහතා යනු පෞද්ගලික වෛද්‍ය විද්‍යාලවලට එරෙහිව හඬ නැගූ ක්‍රියාකාරිකයෙකි. ආණ්ඩුවේ සහයද ඇතිව නීතිවිරෝධි අන්දමින් මාලඹේ ප්‍රදේශයේ පවත්වාගෙන යනුලබන වෛද්‍ය උපාධිය පිරිනමනු ලබන ආයතනය සඳහා ශ්‍රීලංකා වෛද්‍ය සභාවේ අනුමැතිය ලබාගැනීමට රජයෙන් විවිධ බලපෑම් එල්ලවී තිබින. එහිදී පැවති ඡන්ද විමසීමකදී නීති විරෝධි පෞද්ගලික වෛද්‍ය විද්‍යාලයට එරෙහිව ඒ මහතා කටයුතු කොට තිබේ.

එමෙන්ම මීට පෙර අවස්ථා ගණනාවකදීම වෛද්‍ය සභාවේ වෛද්‍යවරුන්ට තර්ජන එල්ලවූ බවද එම ක්‍රියාකලාපයන්ට විරෝධය පෑම සඳහා හෙට (17) දිනයේ දීප ව්‍යාප්ත වැඩවර්ජනයක් දියත් කරන බව රජයේ වෛද්‍ය නිලධාරීන්ගේ සංගමය ප්‍රකාශ කර තිබේ. 

මේවන විට අධ්‍යාපන පෞද්ගලිකරණය සිය ප්‍රතිපත්තිය බවට පිලිගෙන ඇති වත්මන් රජය, පෞද්ගලික වෙද්‍ය විද්‍යාල ඇතිකිරීම සඳහා එයට එරෙහිව හඬනගන බලවේගයන්ට එරෙහිව ගෙනයන මර්දනය අන්තර් විශ්වවිද්‍යාලයීය ශිෂ්‍ය බලමණ්ඩලය ලෙස අප දැඩි පිලිකුලෙන් යුතුව හෙලාදකිමු.

Medical Book

වැඩියෙන්ම කියවූ ලිපි